O Grupo de Investigación Esculca, da
Universidade de Santiago de
Compostela, está a desenvolver o Proxecto de Investigación
"Deseño e avaliación dun
programa para a mellora do rendemento educativo do
alumnado inmigrante", baixo a dirección do Profesor Miguel A.
Santos Rego. O principal obxectivo é mellorar o rendemento educativo
dos alumnos/as de
ESO en colaboración co centro educativo e coas familias. No noso centro este proxecto foi desenvolvido pola profesora de Lingua Española, Ángeles Murias, con dous grupos de 1º ESO e as súas familias.
Para conseguir este obxectivo o Grupo Esculca
deseñou o Programa ECO-FA-SE que conta
con tres actuacións relacionadas, a saber: un Programa de Aprendizaxe
Cooperativa (CO), un Programa de Educación Familiar (FA) e un Programa
de Aprendizaxe Servizo (SE).
O Programa de Aprendizaxe Cooperativa (CO) ten como finalidade formar ao profesorado para a posterior posta en marcha nos seus respectivos centros do Programa ECO-FA-SE. No noso centro este proxecto foi desenvolvido pola profesora de Lingua
Española, Ángeles Murias, con dous grupos de 1º ESO.
O Programa de Educación Familiar inclúe, á súa vez, dous subprogramas. Dun
lado, un programa educativo para traballar coas familias dos adolescentes; e doutro, un
programa de hábitos e técnicas de estudo dirixido ao alumnado. Os dous se
desenvolverán de xeito paralelo. Constaron de cinco sesións de dúas horas cada un (10h
en total). A resposta das familias no noso centro foi excepcional, cun alto grao de implicación.
Nesta fase do proxecto estamos ao remate deste curso. No vindeiro desenvolverase o último dos Programas ten como finalidade promover a posta en marcha da metodoloxía pedagóxica Aprendizaxe-Servizo.
O pasado xoves, 6 de xuño, celebrouse no centro o acto de clausura do proxecto para este curso, coa presenza do Vicerrector da USC, Pedro García Herradón, o Catedratico Director do proxecto, Miguel A. Santos Rego, os Profesores que o desenvolven e o Alcalde de Viveiro, Melchor Roel, así os alumnos/as participantes e as súas familias.
Ningún comentario:
Publicar un comentario